"Tell me aboot it."
"They stood him up on the Sands and six sodgers stood afore him and took aim at his breist."
"Was he feart?"
"De'il a bit!"
"Get on."
"He never even trem'led. But ane o' the young sodgers was gey shaky. Then the captain cried 'Fire' and they a' shot thegither. The man gied a kin' o' jump in the air and fell in a heap."
"Deid?"
"Ay, deid, but no quite, for ane o' his legs gied a bit shake, and scraped the grun'. Weel, the captain took a lang pistol oot o' his belt a' covered wi' siller, and bendin' doon pit it to his heid and fired."
"Behin' his lug?"
"Ay, behin' his lug."