Citation 7. Essay, page 41.
Ilia quidem fugiens, sparsis per terga capillis,
Ora rigat lacrimis, et coelum questibus implet:
Talia voce rogans. Magni Deus arbiter orbis!
Qui rerum momenta tenes, solusque futuri
Praescius, elapsique memor: quem terra potentem
Imperio, coelique tremunt; quem dite superbus
Horrescit Phlegethon, pavidoque furore veretur:
En! Styge crudeli premimur. Laxantur hiatus
Tartarei, dirusque solo dominatur Avernus,
"Infernique canes populantur cuncta creata,"
Et manes violant superos: discrimina rerum
Sustulit Antitheus, divumque oppressit honorem.
Respice Sarcotheam: nimis, heu! decepta momordit
Infaustas epulas, nosque omnes prodidit hosti.
Citation 8. Essay, page 42; the whole passage.
"Quadrupedi pugnat quadrupes, volucrique volucris;
Et piscis cum pisce ferox hostilibus armis
Prælia sæva gerit: jam pristina pabula spernunt,
Jam tondere piget viridantes gramine campos:
Alterum et alterius vivunt animalia letho:
Prisca nec in gentem humanam reverentia durat;
Sed fugiunt, vel, si steterant, fera bella minantur
Fronte truci, torvosque oculos jaculantur in illam."
Citation 9. Essay, page 43.
"Vatibus antiquis numerantur lumine cassis,"
Tiresias, "Phineus," Thamyrisque, et magnus Homerus.
The above passage stands thus in Masenius, in one line:
Tiresias caecus, Thamyrisque, et Daphnis, Homerus.
N.B. The verse now cited is in Masenius's poems, but not in the
Sarcotis.
Citation 10. Essay, page 46.