FOR TO MAKE DRAWEN BENES. II.
Take benes and seeþ hem and grynde hem in a morter [1] and drawe hem up [2] with gode broth an do Oynouns in the broth grete mynced [3] an do þerto and colour it with Safroun and serve it forth.
[1] morter. Mortar. [2] drawen hem up. Mix them. [3] grete mynced. Grossly, not too small.
FOR TO MAKE GREWEL FORCED [1]. III.
Take grewel and do to the fyre with gode flessh and seeþ it wel. take the lire [2] of Pork and grynd it smal [3] and drawe the grewel thurgh a Straynour [4] and colour it wiþ Safroun and serue [5] forth.
[1] forced, farced, enriched with flesh. Vide Gloss. [2] lire. Flesh. [3] grynd it smal. Bruise or beat in a mortar. [4] stryno'. Strainer. [5] serue. Serve. Vide Gloss.
CABOCHES [1] IN POTAGE. IIII.
Take Caboches and quarter hem and seeth hem in gode broth with Oynouns y mynced and the whyte of Lekes y slyt and corue smale [2] and do þer to safroun an salt and force it with powdour douce [3].
[1] Caboches. Probably cabbages. [2] corue smale. Cut small. V. i corue in Gloss. [3] powdour douce. Sweet aromatic powder. V. Pref.