[1] Morree. Ms. Ed. 37. murrey. Ibid. II. 26. morrey; probably from the mulberries used therein. [2] flour it. Flourish it.
CHARLET [1]. XXXIX.
Take Pork and seeþ it wel. hewe it smale. cast it in a panne. breke ayrenn and do þerto and swyng [2] it wel togyder. do þerto Cowe mylke and Safroun and boile it togyder. salt it & messe it forth.
[1] Charlet; probably from the French, chair. Qu. Minced Meat, and the next article, Forced Meat. [2] swyng. Shake, mix.
CHARLET YFORCED. XX.II.
Take mylke and seeþ it, and swyng þerwith zolkes of Ayrenn and do þerto. and powdour of gynger suger. and Safroun and cast þerto. take the Charlet out of the broth and messe it in dysshes, lay the sewe onoward. flour it with powdour douce. and serue it forth.
CAWDEL FERRY [1]. XX.II. I.
Take flour of Payndemayn [2] and gode wyne. and drawe it togydre. do þerto a grete quantite of Sugur cypre. or hony clarified, and do þerto safroun. boile it. and whan it is boiled, alye it up with zolkes of ayrenn. and do þerto salt and messe it forth. and lay þeron sugur and powdour gyngur.
[1] ferry. Quære. We have Carpe in Ferry, Lel. Coll. VI. p. 21. [2] Payndemayn. White bread. Chaucer.