4. Tyme passing befoer, quhilk we cal imperfectlie past, is of a thing that was doeing but not done; as, at four hoores I was wryting; Quhen you spak to me I was wryting, or did wryte, as Lillie expoundes it.
5. Tyme past els is of a thing now past, quhilk we cal perfectlie past; as, I have written.
6. Tyme past befoer is of a thing befoer done and ended; as, at four hoores, or quhen you spak to me, I had written.
7. Tyme to cum is of that quhilk is not yet begun; as, at four houres I wil wryte.
[ OF THE POWER OF THE VERB.]
Cap. 10.
1. A verb signifies being or doeing. Of being ther is onelie one, I am, and is thus varyed.
2. In the present tyme, I am, thou art, he is; we are, ye are, they are.
3. In tyme passing befoer, I was, thou was, he was; we wer, ye wer, they wer.
4. In tyme past els, I have bene, thou hes bene, he hes bene; we have bene, ye have bene, they have bene.
5. In tyme past befoer, I had bene, thou had bene, he had bene; we had bene, ye had bene, they had bene.