(The "Pata de Gallinazo" of Pritchett's Collection.)
(From Howard's 'Nueva Quinologia of Pavon.')
Chinchona Peruviana.—Foliis oppositis, petiolatis, lanceolato-ovatis, basi attenuatis, junioribus lanceolatis, scrobiculatis, paniculâ terminali compositâ.
Arbor procera ... Lignum compactum, luteum.
Cortex extus scaber, rimosus, corticem Calisayæ maxime æmulans, sæpe ex albo et cinereo colore variegatis; intus obscure fulvus, amarus, fragrans.
Folia opposita, petiolata, lanceolato-ovata, nonnulla lanceolato-obovata, alia elliptica, basi attenuata, obtuse acuminata, juniora lanceolata, scrobiculata, scrobiculis supra valde prominentibus, nitida, subtus venosa.
Petioli subtus semi-teretes, supra planiusculi.
Panicula terminalis, composita, pyramidalis.
Capsula oblonga, leviter decemstriata, calyce coronata, bivalvis, valvulis basi hiantibus.
Semina ovalia, alis membranaceis, valde laceratis.
Habitat in Andium montibus frigidis Cocheros aliisque tractibus.
Vulgo: "Cascarilla Pata de Gallinazo."
Obs.:—In commercio magno usu fit.
Speciminibus nobis à Pritchett datis descript.
CHINCHONA LANCIFOLIA.
(From Karsten's 'Floræ Columbiæ Specimina Selecta,' I. p. 21.)
Arbor vasta, usque ad 24 metr. adscendens, trunco recto, 1-1½ metra in diametro; coma subovata, ramosa, ramis teretibus adscendentibus vel inferioribus, horizontalibus, cortice rugoso, fuscescenti, ut plurimum hic illic profunde transversim annulato, tectis; ramulis brachiatis, compressiusculis, uti pedicelli leviter striguloso-pilosiusculis.
Folia opposita, petiolata, petiolo semitereti 16-20 m. m. longo, supra plano, glabro, subtus pilosiusculo insidentia, lanceolata, acuminata, basi attenuata, integerrima, glaberrima, in axilla venarum leviter scrobiculata, et hic facie inferiore glomerulo pilorum obsita, patentia, læte viridia, nitida, lamina 10 centim. longa, 3½ centim. lata, petiolo nervisque, demum folio integro, rubescentibus; juniora subtus in costa minutissime pilosiuscula; vernatione applicativa.
Stipulæ interpetiolares, liberæ, lanceolatæ, acutæ, pedicellorum longitudine, glaberrimæ; intus basi pluriseriatim glandulosæ, demum rubræ, deciduæ.
Inflorescentia terminalis foliosa, paniculata, e cymis dichotomis axillaribus composita, foliis floralibus lineari-lanceolatis; pedunculi pedicellique bracteis minutis, glabris, lanceolato-acutis, subpersistentibus, suffulti.
Calycis tubus turbinatus, ovario adnatus, pilis minutis, adpressis strigosus; limbus persistens campanulatus, quinquefidus, glaber, rubescens, laciniis triangularibus, acutis.
Corolla tubo cylindrico 10 m. m. longo, extus sericeo, carneo-rubro, intus glabro; limbo quinquepartito, lobis ovatis, acutis, æstivatione valvatis, rubris, extus sericeis, intus margine albide-villosis sub anthesin patentibus.
Stamina quinque, tubo medio inserta, paullo exserta.
Filamenta subulata, glabra, 1 m. m. longa; antheræ lineares, introrse longitudinaliter birimosæ, basi sagittata affixæ, filamentis paullo breviores, plus minus exsertæ; pollen sphæricum granulosum, triocellatum.
Discus epigynus, annularis, carnosus, subpentagonus, quinquesulcatus.
Ovarium inferum biloculare, loculis multiovulatis, placentis linearibus, medio dissepimenti longitudinaliter adnatis, ovula anatropa, pluriseriata, imbricatim adscendentia, mox peltata gerentibus; stylus teres glaber, staminibus longior, exsertus aut inclusus; stigmata duo linearia.
Capsula oblonga, striato-costata, calva, post dehiscentiam septicidam, a basi ad apicem progredientem, calycis limbo diutius coronata, epicarpio cum endocarpio connato, 17-20 m. m. longa, 6-8 m. m. lata.
Semina lanceolata, applanata, 7-8 m. m. longa, 2-3 m. m. lata, spermophoro, a valvis apertis soluto, adhærentia, caduca, ala membranacea, hyalina, imperforata, margine crenulato-denticulata, cincta; nucleo ovali sextam partem fere seminis longitudinis attingente.
Embryo in axi albuminis carnosi rectus, cotyledonibus ovalibus, planis, applicativis, radicula tereti infera.
In declivitate Andium Granatensium inter 5° et 1° lat. Sept. altitudine 2500-3000 metr. supra oceani littora ad temperaturam glacialem in horis nocturnis fere refrigerata hic illic frequenter in locis nebulosis et illuviosis nascitur.
Tunita ab incolis dicta.