Si abierit bubo in ulcus mali moris omittatur pro tempore usus hydrargyri & sumatur quotidie [158]opii purificati granum unum primo semel, dein bis, denique ter die vel etiam sæpius, & pulveris corticis Peruviani drachma una ter quaterve die.—Interdum conducit sumere pulveris sarsæparillæ drachmas duas ter die, vel extracti cicutæ grana tria ter die, augendo paullatim usque ad grana decem.
4. IN VERA LUE, anginâ scilicet osteocopiis, exostosibus & defædatione cutis.
Illinantur membra quotidie cum unguenti ex hydrargyro drachmis duabus quotidie usque dum cieatur ptyalismus[159] per dies triginta ad minimum vel donec evanuerint symptomata.—Interdum vice litûs adhibere conveniat vel calomelanos granum unum ter die, vel pilularum ex hydrargyro grana quinque bis die, vel
℞. Hydrargyri muriati grana octo, spiritus vinosi tenuis libram unam. Fiat solutio, & sumatur uncia dimidia bis die. In ulceribus tonsillarum pernotabili est auxilio suffitum ex cinnabare in fauces inhalare semel vel bis quotidie.
Si ulcera mali moris exorta fuerint in quavis corporis parte, eadem, ut jam de bubone dictum est, fiant.
IN SCORBUTO MARINO.
Sumat æger quotidie succi limonum unciam unam ter quaterve die.
℞. Aquæ puræ paullulum tepefactæ congios triginta, syrupi melasses dicti libras sedecim pondere, extracti pini uncias octo pondere, spumæ vel fæcis cerevisiæ libras duas mensurâ. Misce & agita valide cum baculo, dein sinatur abire in fermentationem, ut fiat cerevisia, deinde servetur in vase clauso. Ut diutius servari potest, proderit admiscere spiritûs vini tenuis Gallici, vel qui rum dicitur, libras duas aut tres. Si infirma fuerint viscera adjicere juvabit vel lupuli vel summitatum absinthii vel quassiæ, vel zinziberis quantum satis sit. Hauriat æger libras duas quotidie.
℞. Farinæ avenaceæ libras tres, aquæ puræ congios quatuor. Misce. Macera donec liquor fiat acidulus, dein effunde dimidium & adjiciatur par copia aquæ puræ, & coque ad idoneam spissitudinem, ut cogatur in pulmentum. Sit pro victu assiduo cum vini & sacchari non purificati, vel syrupi melasses dicti quantum sufficiat ad gratum saporem conciliandum.
Ad alvum solvendam commode adhiberi potest electuarium eccoproticum cum crystallis tartari. Vid. p. 556.