℞. Corticis simaroubæ vel quassiæ drachmam unam, aquæ puræ libram unam cum semisse. Decoque ad libram unam. Absumatur totum quotidie tribus vicibus. Adjici possint singulis dosibus pro ratione symptomatum, vel cretæ præparatæ scrupulus unus, vel pulveris ipecacoanhæ granum unum, vel tincturæ cinamomi drachmæ duæ, vel tincturæ opii guttæ quinque.
[145]In casibus rebellibus confert illinere quotidie hypogastrium unguenti ex hydrargyro drachmâ dimidiâ.
Sit pro potu communi in hoc morbo aqua pura, frusto panis recens tosti adjecto, & pauxillo spiritus vini tenuis (rum dicti) admixto. Sit pro victu communi salab, vel farina tritici in pulmentum tenue ex aquâ purâ cocta.
IN INTESTINIS INFLAMMATIS.
[146]SOLUTIO SALIS CATHARTICI.
℞. Decocti hordei libram unam, magnesiæ vitriolatæ uncias duas. Misce ut fiat solutio. Bibatur, post sanguinis missionem, uncia una omni semihorâ donec alvus bis dejecerit.
Adhibeantur hypogastrio cucurbitulæ cruentæ, vel hirudines plures. Applicetur ibidem epispasticum satis amplum. Injiciatur enema cum oleo & pauxillo sale cathartico.
IN ILEO, vel COLICA PICTONUM, vel morbo in regionibus æstuosis DRY BELLY ACHE dicto.
[147]PILULÆ CATHARTICO-ANODYNÆ.
℞. Extracti colocynthidis compositi drachmam dimidiam, opii granum unum & dimidium, olei menthæ guttam unam. Contunde in massam & divide in pilulas decem. Sint pro una dosi. Paucas post horas, si alvus non rite responderit, exhibeantur misturæ catharticæ unciæ duæ, vel[148] olei ricini uncia una, & repetantur ut opus fuerit.—Interdum in hoc malo divexat vomitus cui auxilio est, mistura antiemetica. Vide page 551.
Perfricetur hypogastrium oleo tepido.
Ineat æger in balneum tepefactum ad 93° therm. Fahren. per horam unam vel etiam diutius.
Denique suffletur in anum fumus nicotianæ.
Vel,
℞. Nicotianæ drachmas duas aquæ puræ ferventis libram unam.—Fiat infusum & cola pro enemate.