The swerde I toke / with all my besynesse
So I subdued / all the magykes arte
And founde the scauberde / of meruaylous rychesse
After that I toke the shelde doune doubtlesse
Kyssynge the swerde / and the shelde ofte I wys
Thankynge god / the whiche was cause of this
Gladde was I than / of my ryall floure
Of my swerde and shelde / I reioyced also
It pacyfyed well / my inwarde doloure
But fro my ladyes beaute / my mynde myght not go