your excellent beaute / you coude no thynge lette
To cause my herte vpon you to be sette
My ryght fayre lady / yf at the chesse I drawe
My selfe I knowe not / as a cheke frome a mate
But god aboue the whiche sholde haue in awe
By drede truely euery true estate
He maye take vengeaunce / though he tary late
He knoweth my mynde / he knoweth my remedy
He maye reuenge me / he knoweth my Ieoperdy
O thou fayre fortune / torne not fro me thy face