Her apparell was made of moche fayre ryches
Set with rubyes moost pure and rubicound
Embrawded with perles and many a dyamound
Besydes her sate the worthyes nyne
And she amonge theym a whele turnynge
Full lowe to her they dyd than enclyne
She somtyme laughynge and somtyme lowrynge
Her condycyon was to be dyssymelynge
And many exalten vpon her whele
Gyuynge theym grete falles that they dyd fele