I stode by her ryght nere in the place,
Wyth many other fayre ladyes also,
But so fayre as she I never sawe no mo.
The feste done, dame Musyke dyd go;
She folowed after, and she wolde not tary.
Fare well, she sayde, for I must parte you fro.
Alas! thought I, that fortune doth so vary;
My sadde body my hevy hert did cary;
I coude not speke, my herte was nere broken,
But wyth my head I made her a token.