Therfore these ladyes, wyth theyr whyppes harde,
Theyr bodyes bete that theyr bodyes had marde.
And every man as he hath deserved
A payne there is whiche is for hym observed.
Thus whan I had all the pryson sene,
With the tourmente of many a one I wene,
And forthe we wente agayne to the hall;
My stede was redy and brought to the wall,
And of the ladyes clere in excellence
I toke my leve, with all due reverence,