This is the waye as ye shall nowe knowe
To La Belle Pucell, but withouten fayle
The sturdy gyaunte wyll geve you batayle.
Whan I the scripture ones or twyes hadde redde,
And knewe therof all the hole effecte,
I blewe the horne without any drede,
And toke good herte all fare to abjecte,
Makynge me redy, for I dyde suspecte
That the great gyaunte unto me wolde hast
Whan he had herde me blowe so loude a blast.