And I with my swerde, as fast a coude be,
With all my force cut of his hedes thre.
Whan I had so obteyned the victory,
Unto me than my verlet well sayd:
You have demaunded well and worthely:
My greyhoundes lepte and my stede than brayde,
And than from ferre I saw, well arayed,
To me come ryding thre ladyes swete;
Forth than I rode and did wyth them mete.
The fyrst of them was called Veryte,