"'Your house!' gasped Jeanie, catchin' her arm. 'Did ye na tell me that he lived here?--an' wherever Willie Robertson bides, Jeanie Burns sud be a welcome guest. Tell him,' she continued, tremblin' all owre,--for she telt me afterwards that there was somethin' in the woman's look an' tone that made the cold chills run to her heart, 'that an auld frind frae Scotland has jest come aff a lang, wearisome journey, to see him.'
"'You may spier for yoursel',' said the woman, angrily. 'My husband is noo comin' dune the clearin'.'
"The word husband was scarcely out o' her mouth, than puir Jeanie fell as ane dead across the door-stair. The driver lifted up the unfortunat' girl, carried her into the cabin, an' placed her in a chair, regardless o' the opposition of Mistress Robertson, whose jealousy was now fairly aroused, an' she declared that the bold hizzie sud not enter her doors.
"It was a long time afore the driver succeeded in bringin' Jeanie to hersel'; an' she had only jest unclosed her een, when Willie cam' in.
"'Wife,' he said, 'whose cart is this standin' at the door? an' what do these people want here?'
"'You ken best,' cried the angry woman. 'That creater is nae acquaintance o' mine; an' if she is suffered to remain here, I will quit the house.'
"'Forgi'e me, gude woman, for having unwittingly offended you,' said Jeanie, rising; 'but mercifu' Father! how sud I ken that Willie Robertson--my ain Willie--had a wife? Oh, Willie!' she cried, coverin' her face in her hands, to hide a' the agony that was in her heart, 'I ha'e come a lang way, an' a weary, to see ye, an' ye might ha'e spared me the grief, the burnin' shame o' this. Fareweel, Willie Robertson! I will never mair trouble ye nor her wi' my presence; but this cruel deed o' yours has broken my heart!'
"She went her lane weepin'; an' he had na the courage to detain her, or speak ae word o' comfort in her sair distress, or attempt to gi'e ony account o' his strange conduct. Yet, if I ken him right, that must ha'e been the most sorrowfu' moment in his life.
"Jeanie was a distant connexion o' my aunt's; an' she found us out that night, on her return to the village, an' tould us a' her grief. My aunt was a kind, guid woman, an' was indignant at the treatment she had received, an' loved and cherished her as if she had been her ain bairn. For two whole weeks she kept her bed, an' was sae ill that the doctor despaired o' her life; and when she did come amang us agen, the rose had faded aff her cheek, an' the light frae her sweet blue e'e, an' she spak' in a low, subdued voice; but she never accused him o' being the cause o' her grief. One day she called me aside and said--
"'Jamie, you ken'd how I lo'ed an' trusted him, an' obeyed his ain wish in comin' out to this wearisome country to be his wife. But 'tis a' owre now.' An' she passed her sma' hands tightly owre her breast, to keep doon the swellin' o' her heart. 'Jamie, I ken that this is a' for the best; I lo'ed him too weel,--mair than ony creature sud lo'e a perishin' thing o' earth. But I thought that he wud be sae glad an' sae proud to see his ain Jeanie sae sune. But, oh! ah, weel; I maun na think o' that. What I wud jest say is this'--and she tuk a sma' packet frae her breast, while the saut tears streamed doon her pale cheeks--'he sent me forty dollars to bring me owre the sea to him. God bless him for that! I ken he worked hard to earn it, for he lo'ed me then. I was na idle during his absence; I had saved enough to bury my dear auld grandfather, an' to pay my expenses out; an' I thought, like the guid servant in the parable, I wud return Willie his ain wi' interest, an' I hoped to see him smile at my diligence, an' ca' me his dear, bonnie lassie. Jamie, I canna keep his siller; it lies like a weight o' lead on my heart. Tak' it back to him, an' tell him frae me, that I forgi'e him a' his cruel deceit, an' pray God to grant him prosperity, an' restore to him that peace o' mind o' which he has robbed me for ever.'