Omnia quæ sensu volvuntur vota diurno,
Pectore sopito, reddit amica quies:
Venator defessa toro cum membra reponit.
Mens tamen ad sylvas, et sua lustra redit.
Judicibus lites, aurige somnia currus,
Vanaque nocturnis meta cavetur equis.
Furto gaudet amans; permutat navita merces;
Et vigil elapsas quærit avarus opes.
Vatem Musarum studium sub nocte silenti
Artibus assuetis solicitare solet.—Claudian.