Take not his name in vayn. In which is forboden all heresyes / forsweryng of all mysmenyng / vnworshyp of god / takynge his name î vayn & other.
Halowe ye holydays herynge deuoutly thy seruyce / kepyng ye out of dedely synne / & visyte ye poore / & helpe to acorde them yt ben at debate & suche other.
Worshyp thy fadr & thy moder. God thy fadr holy chirche thy modr / thy goostly fadrs / thy flesshly fader & modr / & people of age / & prelates of holy chirche.
Slee no man wt hande smytynge / nor wt thy mouth in bacbytyng with herte cursynge / ne wyll ony euyll or vengeaûce.
Do no lechery. In this is forboden all spousebreche wt bodely dede or goostly / & all wylfull polucõns or prouokynge to ye same.