Una novos peragrans saltus et devia rura,
(Atque illam in viridi suadet procumbere ripa
Fontis pura quies et opaci frigoris umbra)
Dum prona in latices speculi de margine pendet,
Mirata est subitam venienti occurrere Nympham;
Mox eosdem quos ipsa artus, eadem ora gerentem
Una inferre gradus, una succedere sylvæ,
Aspicit alludens, seseque agnoscit in undis.
Sic sensu interno rerum simulacra suarum
Mens ciet, et proprios observat conscia vultus.”[108]