Usquam oritur, trahit hinc ortum; nec surgit ad auras,
Quin ea conspirent simul, eventusque secundent.
Hinc variæ vitai artes, ac mollior usus,
Dulce et amicitiæ vinclum: Sapientia dia
Hinc roseum accendit lumen, vultuque sereno,
Humanas aperit mentes, nova gaudia monstrans.
Illa etiam, quæ te (mirum) noctesque diesque
Assidue fovit inspirans, linguamque sequentem
Temperat in numeros, atque horas mulcet inertes,
Aurea non alia si jactat origine Musa.”[67]