November 24, 1546. For copying of the gret cursing raisit upon Normond Leslie, laird of Grange, and their complices, for the slauchter of my lord Cardinall, quhilk copie was sent to thame in the castell vs.
December. For summonding Jonet Monnypennie, dochter of the laird of Pitmilly, for remaining in the castle, and assisting Leslie and his complices.
December 1548. Summons of treason against the laird of Pitmilly, and Mr Henry Balnaves.
January 1551–2. Item, for the Inglis bukis to my lord governour, viz. ane perraphrasis upoun the Evangelistis, and ane New Testament, and Hopper on the x Commandementes iijli xvs.
The extracts which follow are from the Register of Privy Seal, and contain grants of property which had been confiscated by sentences of the ecclesiastical courts for heresy, but which was afterwards bestowed on certain individuals upon their paying a composition to the royal treasury.
Ane letter maid to Andro, lord Vchiltre, of the gift of all eschete gudis movabill and vnmovabill, als wele of the byrun malis of parroche clerkschippis, as vtherwais pertenyng to vmqll Walter Stewart, sone to the said lord, and pertenis to our souerane lord, be resoun þat the said Walter was abiurit of heresy, etc. At Linlithgow, the xxix day of December, the ȝeir of God Imvc. xxxvij ȝeris. xxli.
[Reg. Sec. Sigilli, lib. xi. f. 51.] Per Signaturam.
Ane letter maid to James Annand, George Annand, Robert Andersoun, Johnne Flescheour, and Alexander Flescheour, burges of Dunde, makand mentiouñ that þai ar convict be ane sentence of the spirituale juge of heresy, of the quhilk þai wer dilatit and abiurit, quharthrow all þare gudis, movabill and vnmovabill, pertenis, and suld pertene, to our souerane lord, be resouñ of eschete. And for þair gude, trew, and thankfull seruice, done be þame to his hienes, and compositioun pait be þame to his thesaurer, his grace hes remittit and forgevin to thame the eschete of all þair gudis, movabill and vnmovabill, and hes quitclamit and dischargit þaim þairof, and all þat may follow þairvpouñ, foreuer. And als his grace, of his speciale grace, autorite riall and kinglie power, hes rehabilit the saidis personis to stand in prief and witness, and to vse and exerce all lefull dedis in jugement, and outwith siclik and als frelie in all thingis, as þai myt haue done befor the tyme þat þai wer convict of the said heresy, and incurrit þairthrow notam infamie. And hes restorit, reponit, and reintegrate þame to þare gude fame, heritage, landis, gudis, and warldie honouris, in all, and be all thingis, as þai wer befor the tyme þai wer convict of the said heresy, without ony reproche, murmur, detractioun, or blasphematiouñ, to be maid, said, or done to þame þairthrow, in word or deid, in onywys in tyme cuming, &c. At Edinburgh, the xvij day of July, the ȝer of God Imvc. xxxviij ȝeris, icli.
[Lib. xij. f. 23.] Per Signaturam.
Ane letter maid to Dauid Wod, in the craig, his airis and assignais, of the gift of all gudis, movable and vnmovable, quhilkis pertenit to James Hay, burges of Dunde. And now ar decernit be ane sentence of the spirituale juge, to pertene to our souerane lord be resoun of eschete for heresy, of the quhilk he wes dilatit, &c. At Edinburgh, the xxvij day of July, the ȝeire of God forsaid (1538).
[Lib. xij. f. 3.] Per Signaturam.
Ane letter maid to Maister Laurence Young, his airis and assignais, ane or ma, of the gift of all gudis, movabill and vnmovabill, qlkis pertenit to vmqll Andro Alexandersouñ, and now pertenyng to our souerane lord be resoun of eschete, throw being of the said vmqle Andro convict of heresy, and justifyit to the deid for the samyn, with power, &c. At Stirling, the xxiij day of August, the ȝeir of God Imvc. xxxviij. ȝeris iiijli. [Lib. xij. f. 19.]