Ane letter maid to Alexander Orrok of Silliebawke, his airis and assignais, of the gift of all gudis, movabill and vnmovabill, cornis, catale, dettis, takkis, stedingis, money, gold, siluer, and vtheris gudis quhatsumever quhilkis pertenit to William Clerk, clerk of the schip callit the Barge, and now pertenying to our souerane lord, be resoun of eschete throw being of the said William convict of heresy, &c. At Stirling, the viij day of Aprile, the ȝeire forsaid (1539). xli.
[Lib. xij. f. 94.] Per Signaturam.
Ane letter maid to James Lovell, of the gift of his awne eschete gudis, movabill and vnmovabill, pertenying to our souerane lord throw being of the said James abiurit of heresy, &c. At Sanctandros, the xi day of May, the ȝer forsaid (1539). [Lib. xiij. f. 4.]
Ane letter maid to Johnne Henry, his airis and assignais, ane or ma, of the gift of all gudis, movabill and vnmovabill, quhilkis pertenit to Johnne Cameroun, burges of Perth, and now pertening to our souerane lord, be resoun of eschete throw being of the said Johne declarit heretyke, etc. At Sanctandros, the xxvi day of May, ye ȝer forsaid (1539).
[Lib. xiij. f. 26.] Per Signaturam.
Ane letter maid to Johne Stewart, sone to Henry, lord Methven, rehabilland him to stand in preif and witness, and to exerce all lefull dedis in jugement, and outwith, and als frelie, in all thingis as he myt have done befor the tyme he was convict of heresy, etc. At Edinburgh, the xxij day of Februare, the ȝer forsaid (1539).
[Lib. xiij. f. 65, b.] Per Signaturam.
Ane letter maid to Oliuer Sinclar and his assignais, ane or maa, of the gift of all gudis, movable and vnmovable, dettis, takkis, obligationis, sovmes of money, and vtheris gudis quhatsumever quhilkis pertenit to Sir David Huchesone, prouest of Rosling, and now pertening, or ony wise sal happin or may pertene to ws, throw being of the said Sir Dauid abiurit of certane poyntis of heresy, of the quhilkis he was dilatit, and ane sentence of the spirituale juge gevin aganis him þairupoun, as the same proportis, with power to the said Oliuer and his assignais, ane or maa, to intromet and tak vp ye saidis eschete gudis, etc. At Edinburt, the xiij day of August, the ȝer foirsaid (1540).
[Lib. xiv. f. 8, b.] Per Signaturam.
Ane letter maid to Maister Williame Arthur, citinare of Sanctandross, his airis and assignais, of the gift of the escheit of all gudis, movable and vnmovable, dettis, takkis, steiddingis, rowmes, possessions, teyndis, cornis, catale, actiones, obligationis, sowmes of money, and vtheris gudis quhatsumevir, quhilkis pertenit to George Wynchister, cietinar of the said ciete, and now pertening to oure souerane lady, and being in hir hienes handis be resoun of escheit throw the said Georgeis noncomperance before ane maist reverand fader in God, Johnne, archbishop of Sanctandros, his juge ordner, to haif vnderlyne the law for certane crymes of herisie quhairof he was dilaittit and convict of the samyn, and yairfore declarit heretick, as at mair length is contenit in the sentence and proces led and gevin aganis him þairvpone, with powar, &c. At Edinburh,the xiiij day of September, the ȝeir of God, ane thousand, fyve hundreith, and fyfty ȝeiris.
[Lib. xxiv. f. 24, b.] Per Signaturam.
Ane letter maid, makand mentioun, That yair was ane pretendit sentence of auld gevin aganis Johnne Boirthwikt of Ciueray, knyt, declaring him to be ane allegit heretike, as the said sentence beiris, quhilk was gevin aganis him in his absence, without ony defence maid be him, and he yairby allegit to be depriuit of all honour, and dispossessit of all his landes, rowmes, and possessionis; Nochttheles, oure souerane lady, of hir auctorite royal, speciall grace, and fauour, rehabillis the said Johnne, and restoiris him to all his landis, heretages, takkis, stedingis, rowmes, and possessionis, and to all and sindrie his gudis, movable and vnmovable, quhatsumevir, and to his honour, fame, and dignitie; and reponis him agane in the same estait he was in befoir the leding and deduceing of the said pretendit sentence aganis him, sua that he may peceabillie brouk, joys, occupy, labour, and manure his landis, rowmes, takis, stedingis, and possessionis, intromet and vptak the malis, fermes, proffittis, and dewiteis yairof, off all ȝeiris and termes bigane, restand vnpayit sin the geving and deduceing of the said pretendit sentence aganis him, and gif neid be, to convene, call, follow, and persew the detenaris yairof, befoir quhatsumeuir juge or jugeis, spirituale or temporale, vnto the finall end and recovering of the samin vpoun yame, and to stand in jugement, beir witnes, and frelie vse and exerce all maner of offices or vther publict efferis in hir common weill, in jugement, and outwith, and joys and brouk siclike priuilegeis as he did, or myt have done, befoir the leding and deduceing of the said pretendit proces aganis him, siclike as the samyn had neuer bene gevin or pronunceit, &c. With inhibitioun in the samyn to all and sindrie our souerane lady’s liegis and subdittis baith spirituall and temporall, of quhatsumeuir auctoritie or dignitie yai be of, that nane of thame tak vpoun hand to molest, truble, or invaid the said Johnne in his person, fame, landis, gudis, or possessionis, for quhatsumevir caus or actioun bigane; or to detract, bakbyte, sclander, or defame him, in ony maner of way, vnder all hieast pane, and charge, and offence. That þai and ilk ane of þame may commit and inryn aganis her maiestie, in þat parte, &c.At Sanctandrois,the last day of Februare, the ȝeir of God Im.vc.lxij ȝeiris.
[Lib. xxxj. f. 79, b.] Per Signaturam.[482]
Ane letter maid makand mention that thair wes ane pretendit sentence gevin and pronunceit againis James Hamiltoun of Kincavill, of lang tyme begane in his absence, for null defence, declaring him to be ane allegeit heretike, as the pretendit sentence gevin thairupoune buir; be the quhilk, he was allegit to be depryvit of all honoure, fame, and dignitie, and dispossessit of all his landis, heretages, rowmes, possessionis, teyndis, and vtheris pertening to him, quhilk pretended decrete and sentence the said James hes gotten retretit and reducit, with all that followith thairupoune: Thairfore oure said souerane ladie, of her auctorite royall speciale grace and favoure, rehabillis the said James, and restoris him to all his landis, &c. [in similar terms with the preceding.] At Edinburgh, the fift day of Merche, the ȝeir of God, Im.vc.lxiij ȝeris.
[Lib. xxxi. f. 35, b.] Per Signaturam.