E Cælo alluxit primam Germania lucem,
Qua Lanus, et vitreis qua fluit Albis aquis.
Intulit hinc lucem nostræ Dux prævius oræ.
O felix terra! hoc si foret usa duce!
Dira superstitio grassata tyrannide in omnes,
Omniaque involvens Cimmeriis tenebris,
Ille nequit lucem hanc sufferre. Ergo omnis in unam,
Fraude, odiis, furiis, turba cruenta coit.
Igne cremant. Vivus lucis qui fulserat igne,
Par erat, ut moriens lumina ab igne daret.