Dunius, Equestri familia ortus, Religionis gravis et constans assertor, concionator nobilis, natus annos LXXX, moritur XII Martij, 1590.
Post tot avos veteres, et tot decora inclyta rerum
Surgit Areskino gloria major adhuc:
Scilicet illa Crucis Christi, quæ sola perennis:
Quæ regit una homines, quæ facit una deos.
Robora consiliis, pietatem miscet utrisque;
Et faciendo docet, atque docendo facit.
Heroem nullum huic æquarint secula. Nullus
Inter avos veteres fama et honore prior.