The lazar under the gallowes tree
Was comelye, straight and tall;
King Henrye made him his head stewàrde
To wayte withinn his hall.
[EDOM O' GORDON]
It fell about the Martinmas,
Quhen the wind blew shril and cauld,
Said Edom o' Gordon to his men,
We maun draw till a hauld.
And quhat a hauld sall we draw till,
My mirry men and me?
We wul gae to the house o' the Rodes,
To see that fair ladie.
The lady stude on her castle wa',
Beheld baith dale and down:
There she was ware of a host of men
Cum ryding towards the toun.
O see ze nat, my mirry men a'?
O see za nat quhat I see?
Methinks I see a host of men:
I marveil quha they be.
She weend it had been hir luvely lord,
As he cam ryding hame;
It was the traitor Edom o' Gordon,
Quha reckt nae sin nor shame.
She had nae sooner buskit hirsel,
And putten on hir goun,
But Edom o' Gordon and his men
Were round about the toun.
They had nae sooner supper sett,
Nae sooner said the grace,
But Edom o' Gordon and his men
Were light about the place.