The storks there seized some o the men,
They coud neither fight nor flee;
The swans they bound the bride's best man
Below a green aik tree.
They lighted next on maidens fair,
Then on the bride's own head,
And wi the twinkling o an ee
The bride and them were fled.
There's ancient men at weddings been
For sixty years or more,
But sic a curious wedding-day
They never saw before.
For naething coud the companie do.
Nor naething coud they say
But they saw a flock o pretty birds
That took their bride away.
When that Earl Mar he came to know
Where his dochter did stay,
He signd a bond o unity,
And visits now they pay.
