They gied him my hand, but my heart was at the sea;
Sae auld Robin Gray he was gudeman to me.
I hadna been a wife a week but only four,
When mournfu’ as I sat on the stane at the door,
I saw my Jamie’s wraith, for I couldna think it he,
Till he said ‘I’m come hame to marry thee’.
O sair, sair did we greet, and muckle did we say;
We took but ae kiss, and I bade him gang away:
I wish that I were dead, but I’m no like to dee;
And why was I born to say, Wae’s me!