'For if my father and mother got wit,
And my bold brethren three,
O mickle wad be the gude red blude
This day wad be spilt for me!
'O little did my mother ken,
The day she cradled me,
The lands I was to travel in
Or the death I was to die!
wroken] avenged. row'd] rolled, wrapped. greet] cry. hooly] gently.
Ballads and Songs By Unknown Authors. 17th Cent.
376. Binnorie
THERE were twa sisters sat in a bour;
Binnorie, O Binnorie!
There cam a knight to be their wooer,
By the bonnie milldams o' Binnorie.
He courted the eldest with glove and ring,
But he lo'ed the youngest abune a thing.
The eldest she was vexed sair,
And sair envìed her sister fair.
Upon a morning fair and clear,
She cried upon her sister dear:
'O sister, sister tak my hand,
And let 's go down to the river-strand.'