Braced so strayt / that he may not plye
[Sidenote: being braced so tight that he can't bend.]
But gaderith it / by maner of a wyndelas
And he ought wrenche a syde / or a litil wrie 472
[Sidenote: If he twists, a lace is like to crack.]
His geer stondeth then_n_e / in ful parlo_us_ caas
His sho / his hose / doblet / point & laas
And yf ought breke / som_m_e tu_n_ges þ^t be bad_e_
Wil mocke & saie / a knaue hath broke a lad 476
* * * * *
THE ORIEL TEXT.
[69]
Lat galaunte go, I mene, recheles ruskyn;
Take hede, my childe, to suche as ben cu_n_nyng,
So shall ye wyrship best conquere and wynne, 479
Enforsith you in all your_e_ demenyng
To sewe vertu, and[1] from foly declynyng;
[Sidenote 1: Omit and]
And, my childe, that ye loue of honeste.
Which is accordyng wyth humanyte. 483
[70]
That is, to you to vndirstond And knowe,
That your_e_ aray be manerly and resonable,
Not appeissh knawen[1] and to mowe, 486
[Sidenote 1: Sic.]
I[n] nyse aray that is not couenable,
Fetis founde be folkys vnp_ro_fitable,
That maketh this world_e_ so pleynly t_ra_nsformate,
That men semen almost effeminate. 490
[71]
Pley not Iakke mAlaperte, that is to sey,
Be ware of p_re_sumpc_i_oun, be ware of pride,
Take not the fyrst place, my childe, be no way, 493
Till odir be sette manerly abyde,
Presomcion is often sette asyde,
And Avalith f[r]om his highe[1] de-gre,
[Sidenote 1: MS. hight.]
And he sette vppe that hath humanite. 497
[Sidenote: Hill's Text.]