ayenst other. But trewly, my lawe to my servauntes ever hath
ben in general, whiche may nat fayle. For right as mannes †lawe
that is ordained by many determinacions, may nat be knowe for
good or badde, til assay of the people han proved it and [founden]
to what ende it draweth; and than it sheweth the necessitè
55
therof, or els the impossibilitè: right so the lawe of my servauntes
so wel hath ben proved in general, that hitherto hath it not fayled.
Wiste thou not wel that al the lawe of kynde is my lawe, and
by god ordayned and stablisshed to dure by kynde resoun?