Chaucerian and Other Pieces / Being a Supplement to the Complete Works of Geoffrey Chaucer

by Unknown

Kyndely heven, whan mery †weder is a-lofte, apereth in mannes

eye of coloure in blewe, stedfastnesse in pees betokening within

and without. Margaryte is engendred by hevenly dewe, and

sheweth in it-selfe, by fynenesse of colour, whether the engendrure

were maked on morowe or on eve; thus sayth kynde of this

50

perle. This precious Margaryte that thou servest, sheweth it-selfe

discended, by nobley of vertue, from this hevenlich dewe, norisshed

and congeled in mekenesse, that †moder is of al vertues; and, by

werkes that men seen withouten, the significacion of the coloures