'Now,' quod this lady, 'I saye as I sayde: me lyketh this
mater to declare at the ful, and why: for many men have had
dyvers fantasyes and resons, both on one syde therof and in the
other. Of whiche right sone, I trowe, if thou wolt understonde,
120
thou shalt conne yeve the sentence to the partie more probable
by reson, and in soth knowing, by that I have of this mater
maked an ende.'
'Certes,' quod I, 'of these thinges longe have I had greet lust
to be lerned; for yet, I wene, goddes wil and his prescience