"thou hast put his terme, whiche thou might not passe." Than
saye I that no man may shorte ne lengthe the day ordayned of
his †dying, altho[ugh] somtyme to us it semeth som man to do
115
a thing of free wil, wherthorow his deeth he henteth.'
'Nay, forsothe,' quod she, 'it is nothing ayenst my saying; for
god is not begyled, ne he seeth nothing wheder it shal come of
libertè or els of necessitè; yet it is said to be ordayned at god
immovable, whiche at man, or it be don, may be chaunged.
120