no such letters, though he be a better man to god than suche
a riche man; nevertheles, this poore man doth not recche therof.
For, as men supposen, suche letters and many other that freres
behesten to men, be full of false deceites of freres, out of reson
335
and god[d]es lawe and Christen mens faith.
58. Frere, what charitè is this—to be confessoures of lordes
and ladyes, and to other mighty men, and not amend hem in hir
living; but rather, as it semeth, to be the bolder to pille hir poore
tenauntes and to live in lechery, and there to dwelle in your office