I saw my Jamie's wraith, for I couldna think it he—
Till he said:—"I'm come hame to marry thee."
O, sair, sair did we greet,[157] and muckle[158] did we say;
We took but ae kiss, and I bad him gang away;
I wish that I were dead, but I'm no like to dee,
And why was I born to say, Wae's me!
I gang like a ghaist, and I carena to spin;
I daurna think on Jamie, for that wad be a sin;
But I'll do my best a gude wife ay to be,
For auld Robin Gray, he is kind unto me.