alle þese connynges to haue / y say yow in certayñ,
y shuld pray for youre sowle nevyr to come in payne.”
“Son, y shalle teche þe withe ryght a good wille,
So þat þow loue god & drede / for þat is ryght and skylle,
and to þy mastir be trew / his goodes þat þow not spille,
but hym loue & drede / and hys commaundementȝ dew / fulfylle.
[ The] furst yere, my soñ, þow shalle be pantere or buttilare,
þow must haue iij. knyffes kene / in pantry, y sey the, euermare:
[ Oñ] knyfe þe loves to choppe, anothere them for to pare,
the iij. sharpe & kene to smothe þe trenchurs and square.[10]