Early English Meals and Manners

by Unknown

bryght y-pullished youre table knyve, semely in syȝt to sene;

and þy spones fayre y-wasche / ye wote welle what y meene.

looke þow haue tarrers[11] two / a more & lasse for wyne;

[ wyne] canels[12] accordynge to þe tarrers, of box fetice & fyne;

also a gymlet sharpe / to broche & perce / sone to turne & twyne,

with fawcet[13] & tampyne[14] redy / to stoppe when ye se tyme.

So wheñ þow settyst a pipe abroche / good [sone,] do aftur my lore:

iiij fyngur ouer / þe nere chyne[15] þow may percer or bore;

with tarrere or gymlet perce ye vpward þe pipe ashore[16],

and so shalle ye not cawse þe lies vp to ryse, y warne yow euer more.