Early English Meals and Manners

by Unknown

Good soñ, to make ypocras, hit were gret lernynge,

[ and] for to take þe spice þerto aftur þe proporcionynge,

[ Gynger,] Synamome / Graynis, Sugur / Turnesole, þat is good colourynge;

For commyñ peple / Gynger, Canelle / longe pepur / hony aftur claryfiynge.

look ye haue of pewtur basons ooñ, two, & thre,

For to kepe in youre powdurs / also þe licour þerin to renne wheñ þat nede be;

to iij. basouns ye must haue iij bagges renners / so clepe ham we,

& hange þem̅ oñ a perche, & looke þat Sure they be.

Se þat youre gynger be welle y-pared / or hit to powder ye bete,

and þat hit be hard / with-owt worme / bytynge, & good hete;