Early English Meals and Manners

by Unknown

take thy towailes endes next yow with-out vilanye,

and þe ende of þe clothe oñ þe vttur side of þe towelle bye;

Thus alle iij. endes hold ye at onis, as ye welle may;

now fold ye alle there at oonys þat a pliȝt passe not a fote brede alle way,

þañ lay hyt fayre & evyñ þere as ye cañ hit lay;

þus aftur mete, ȝiff yowre mastir wille wasche, þat he may.

at þe riȝt ende of þe table ye must it owt gyde,

þe marchalle must hit convey alonge þe table to glide;

So of alle iij clothes vppeward þe riȝt half þat tide,

and þat it be draw strayt & evyñ boþe in lengthe & side.