Early English Meals and Manners

by Unknown

vnkeuer youre brede, & by þe salt sette hit euyñ oñ þe borde;

looke þere be knyfe & spone / & napkyñ with-outy[n] any worde.

Euer whañ ye departe from youre soueraigne, looke ye bowe your knees;

[ to] þe port-payne[48] forthe ye passe, & þere viij. loues ye leese:

Set at eiþur end of þe table .iiij. loofes at a mese,

þañ looke þat ye haue napkyñ & spone euery persone to plese.

wayte welle to þe Sewere how many potages keuered he;

keuer ye so many personis for youre honeste.

þañ serve forthe youre table / vche persone to his degre,

and þat þer lak no bred / trenchoure, ale, & wyne / euermore ye se.