Euery souereyne of sadnes[65] alle suche sort shalle dispise.

Many moo condicions a mañ myght fynde / þañ now ar named here,

þerfore Euery honest seruand / avoyd alle thoo, & worshippe lat hym leere.

Panter, yomañ of þe Cellere, butlere, & Ewere,

y wille þat ye obeye to þe marshalle, Sewere, & kervere.[66]’

[ “Good syr, y yow pray þe connynge of kervynge ye wille me teche,]

and þe fayre handlynge of a knyfe, y yow beseche,

and alle wey where y shalle alle maner fowles / breke, vnlace, or seche,[67]

and with Fysche or flesche, how shalle y demene me with eche.”

“Soñ, thy knyfe must be bryght, fayre, & clene,