but with your lyft hande / as y seid afore, for þat is goodlye.
Alle-wey with youre lift hand hold your loof with myght,
and hold youre knyfe Sure, as y haue geue yow sight.
enbrewe[68] not youre table / for þañ ye do not ryght,
ne þer-vppoñ ye wipe youre knyffes, but oñ youre napkyñ plight.
Furst take a loofe of trenchurs in þy lifft hande,
þañ take þy table knyfe,[69] as y haue seid afore hande;
with the egge of þe knyfe youre trenchere vp be ye reysande
as nyghe þe poynt as ye may, to-fore youre lord hit leyande;
right so .iiij. trenchers ooñ by a-nothur .iiij. square ye sett,