the fumosite of alle maner skynnes y promytt þee by heestis,
alle þese may benym[74] þy souerayne / from many nyghtis restis.”
“Now fayre befalle yow fadur / & welle must ye cheve,[75]
For these poyntes by practik y hope fulle welle to preve,
and yet shalle y pray for yow / dayly while þat y leue /
bothe for body and sowle / þat god yow gyde from greve;
Praynge yow to take it, fadur / for no displesure,
yf y durst desire more / and þat y myghte be sure
to know þe kervynge of fische & flesche / aftur cockes cure:
y hed leuer þe sight of that / thañ A Scarlet hure.”[76]