Early English Meals and Manners

by Unknown

of vche of þese with whynges in myddes, þe legges so aftir there.

of alle þese in .vj. lees[78] / if þat ye wille, ye may vppe arere,

& ley þem̅ betwene þe legges, & þe whynges in þe same platere.

[ Capoñ,] & hen of hawt grees[79], þus wold þey be dight:—

Furst, vn-lace þe whynges, þe legges þan in sight,

Cast ale or wyne oñ þem̅, as þer-to belongeth of ryght,

& mynse þem̅ þañ in to þe sawce with powdurs kene of myght.

Take capoun or heñ so enlased, & devide;

take þe lift whynge; in þe sawce mynce hit eueñ beside,

and yf youre souerayne ete sauerly / & haue þerto appetide,