Crosse hym þeñ with your knyffe þat is so kene;
wyne or ale / powder þer-to, youre souerayñ welle to queme.
Gurnard / roche[152] / breme / chevyñ / base / melet / in her kervynge,
[ Perche] / rooche[153] / darce[154] / Makerelle, & whitynge,
Codde / haddok / by þe bak / splat þem̅ in þe dische liynge,
[ pike] owt þe boonus, clense þe refett[155] in þe bely bydynge;
Soolus[156] / Carpe / Breme de mere,[157] & trowt,
þey must be takyñ of as þey in þe dische lowt,
bely & bak / by gobyñ[158] þe booñ to pike owt,
so serve ye lordes trenchere, looke ye welle abowt.