In þe brode shelle putt youre stuff / but furst haue a sight
þat it be clene from skyñ / & senow / or ye begyñ to dight.
And what[167] ye haue piked / þe stuff owt of euery shelle
with þe poynt of youre knyff, loke ye temper hit welle,
put vinegre / þerto, verdjus, or ayselle,[168]
Cast þer-oñ powdur, the bettur it wille smelle.
Send þe Crabbe to þe kychyñ / þere for to hete,
agayñ hit facche to þy souerayne sittynge at mete;
breke þe clawes of þe crabbe / þe smalle & þe grete,
In a disch þem̅ ye lay / if hit like your souerayne to ete.