breke þe gret clawes youre self / ye nede no cooke to trete,
Set þem̅ oñ þe table / ye may / with-owt any maner heete.
The bak of þe Crevise, þus he must be sted:
array hym̅ as ye dothe / þe crabbe, if þat any be had,
and boþe endes of þe shelle / Stoppe them fast with bred,
& serue / youre souereyñ þer with / as he likethe to be fedd.
Of Crevis dewe douȝ[172] Cut his bely a-way,
þe fische in A dische clenly þat ye lay
with vineger & powdur þer vppoñ, þus is vsed ay,
þañ youre souerayne / whañ hym semethe, sadly he may assay.