þan commyñ with þe cooke / and looke what he wille say;
þe surveyoure & he / þe certeynte telle yow wille þay,
what metes // & how many disches / þey dyd fore puruay.
And whañ þe surveoure[181] & þe Cooke / with yow done accorde,
þen shalle þe cook dresse alle þynge to þe surveynge borde,
þe surveoure sadly / & soburly / with-owteñ any discorde
Delyuer forthe his disches, ye to convey þem̅ to þe lorde;
And wheñ ye bithe at þe borde / of seruyce and surveynge,
se þat ye haue officers boþe courtly and connynge,
For drede of a dische of youre course stelynge[181],