Vinegre / powdur withe synamome / and gyngere,
to rost Eles / lampurnes / Creveȝ dew douȝ, and breme de mere,
For Gurnard / for roche / & fresche purpose, if hit appere,
Fresche sturgeoñ / shrympes / perche / molett / y wold it were here.
Grene sawce[237] is good with grene fisch[238], y here say;
botte lynge / brett[239] & fresche turbut / gete it who so may.
yet make moche of mustard, & put it not away,
For with euery dische he is dewest / who so lust to assay.
Other sawces to sovereyns ar serued in som solempne festis,
but these will plese them fulle welle / þat ar but hoomly gestis.