wayte hys lynnyñ þat hit be clene; þeñ warme hit in þis wise,
by a clere fyre withowt smoke / if it be cold or frese,
and so may ye youre souerayñ plese at þe best asise.
[ Agayne] he riseth vp, make redy youre fote shete
in þis maner made greithe / & þat ye not forgete
furst a chayere a-fore þe fyre / or som oþer honest sete
Withe a cosshyñ þer vppoñ / & a noþur for the feete
aboue þe coschyñ & chayere þe said shete ouer sprad
So þat it keuer þe fote coschyñ and chayere, riȝt as y bad;
Also combe & kercheff / looke þere bothe be had